NABUNTURAN, Davao de Oro -- Unom ka mga pwesto sa palengke ang gilamoy sa kalayo sa natigayong sunog sa Block F Nabunturan Public Market, Barangay Poblacion, Nabunturan alas 1:55 sa buntag, niadtong Dominggo.
Subay sa report, miresponde gilayon ang mga kabomberohan sa lungsod gikan sa lungsod sa Montevista ug lungsod sa Mawab diin nadeklarang fire out ang sunog 3:50 sa buntag sa samang adlaw.
Walay gikatahong nasamdan o naangol sa insidente.
Kahinumdoman nga temporaryong gipasirad-an sa lokal nga panggamhanan sa lungsod ang dapit human dunay nagpositibo sa Covid-19 nga nagtrabaho sa maong publikong palengke.
Padayon pang gisuta ang hinungdan sa kalayo ingon man ang kinatibuk-ang damyos sa hitabo. (Dexter T. Visitacion)