Mga gahi og ulo sa piyesta sa Lapu-Lapu, gipangdakop

MOABOT sa 339 ang nasikop sa Lapu-Lapu City Police Office (LCPO) gumikan sa kalapasan sa nagkadaiyang quarantine ug fiesta protocol niadtong Nobiyembre 20-22.

Kini ang gipahibawo ni Police Colonel Arnel Banzon, director sa LCPO.

Mga sakop sa kapulisan ug force multiplier nga gipalibot ug bantay sa mga dapit sa dakbayan ang nakasita sa violators atol sa tulo ka adlaw aron pagsigurong natuman ang mga health ug quarantine protocol atol sa kapistahan.

Ang tanan hinuon pulos nanakamulta ug nakauli sa ilang tagsa-tagsa ka panimalay.

Mga kalapasan sa city ordinance kalabot sa curfew, wala pagsul-ob ug mask, paghuboghubog, ug pagpanigarilyo sa pampublikong lugar maoy sagad sa naisyu nga citation sa mga nangasikop.

Sa 339, dunay pito nga dili taga Lapu-Lapu nga nakasupak sa dili unta pagpamista sa dakbayan. (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph