SUPERBALITA CEBU

P14M renovation sa Mandaue City Command Center nahuman na

NAHUMAN na pag-renovate ang Mandaue City Command Center human sa walo ka buwan nga pagtrabaho sa pinakabag-o nga teknolohiya nga giinstalar niini.

Angkagamhanan sa Dakbayan sa Mandaue migasto og P14 milyones aron lang matukod ang pasilidad.

Matod ni Atty. John Eddu Ibañez, ang executive secretary ni Mandaue City Mayor Jonas Cortes, ang command center sa Mandaue ang labing high-tech nga command center sa Metro Cebu.

Giduma ang command center sa Traffice Enforcement Agency of Mandaue (Team), Disaster Risk Reduction Management Office (DRRMO), Philippine National Police ug Bureau of Fire Protection.

Ang command center mao kini ang moduma sa mga operational functions sa syudad. Sa ilang industrial wall screen, adunay 27 video screens nga mipakita sa footage sa tanang CCTV cameras sa tanang interseksyon sa dakbayan.

Dili susama sauna nga ang screen nga gigamit sa command center TV monitors lang ug mas dali kining maguba labi na nga 24/7 ang operation sa maong pasilidad.

Pinaagi sa industrial wall screen dali nalang nilang ma-monitor ang mga dagan sa trapiko sa Mandaue ug ang mga disgrasya nga mahitabo sa kadalanan.

Lakip sab sa giduma sa command center mao ang tanang traffic lights sa dakbayan. Pinaagi lang sa ilang computer software mamahimo nilang mailisan ang numero sa mga traffic lights depende sa dagan sa trapiko.

Ug dili kini susama sauna nga kinahanglan pa nilang adtuon ang traffic lights ug didto iusab ang mga numero.

Aduna nasay mga CCTV cameras nga gimontarsa mga strategic nga lugar nga high-resolution ug 360 degrees ang makita niini.

Sa command center aduna sab ang radio monitoring gikan sa Team ug DRRMO, kinsa mo-monitor ug mutawag sa hintungdan kung adunay mga disgrasya, traffic, ug mga disaster sa dakbayan. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!