SUPERBALITA CEBU

2 ka hackers og credit cards gipangita sa NBI

DUHA ka mga Sugboanon ang gipangita karon sa National Bureau of Investigation (NBI-7) nga giingong mastermind sa pagkuha sa credit card information gikan sa usa ka 53-anyos (pangan gipugngan) nga tigpatigayon sa siyudad sa Sugbo.

Tuyo sa pagkuha sa impormasyon sa credit card mao ang pagpalit og tambal sa usa ka ilado nga networking group nga namaligya og health and wellness products.

Ang maong mga indibidwal giila nga sila si Jimboy Ramos ug Juliet Bayato.

Sa wala pa masuta ang mastermind unang giaresto sa NBI-7 ang duha ka mga suspetsado nga giingong may kalabotan sa pagpangilad atol sa gihimong entrapment operation sa Nobiyembre 20. Sikop mao sila si Roland Ebrado ug Niza Cagabhion kinsa hugtanong nihimakak sa pasangil batok kanila.

Subay sa imbestigasyon, pulos mga empleyado sa parmasya sila si Ebrado ug Cagabhion sa B. Rodriguez Street.

Asoy sa mga nadakpan nga igo ra sila nga gisugo sa ilang amo nga mao si Ramos aron kuhaon ang parcel sa mga produkto nga gipalit niini gamit ang credit card sa biktima.

Moabot sa P62,000 ang nakuha sa credit card sa biktima gikan sa duha ka managlahi nga transaksyon. Matod sa awtoridad nga nakadawat ang biktima og pipila ka mensahe gikan sa banko nga nagpahibaw kalabot sa mga transaksyon.

Gi-trace sa NBI-7 ang transakyon pinaagi sa gihatag sa banko nga mga impormasyon sa biktima kalabot sa dili otorisado nga transaksyon.

“The firm was cooperative which led us to Ramos whom we believed connived with Bayato in doing this illegal transaction,” sumala sa agent sa NBI.

Ang mga suspetsado mag-atubang og kaso nga may kalapasan sa Republic Act (RA) No. 8484 ang Access Devices Regulation Act as amended by RA 11449.

Tungod sa hitabo, giawhag sa NBI-7 ang publiko nga magbantay sa mga himuong transaksyon sa gamit ang mga credit cards hilabina sa mga pampubliko nga lugar, labi nga nagaduol ang Pasko.

“The rule of thumb there is to make sure your sights are focused on your card when it’s being swiped. Also, double-check if the swipe has any suspicious-looking devices attached to it because these can read and extract your information.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph