SUPERBALITA CEBU

Tricycle drivers sa Mandaue buot mobalik sa karaang rota

File photo

NANGAYO og tabang ang mga traysikol drayber ngadto sa lokal nga kagamhanan sa Dakbayan sa Mandaue nga tugutan nang mubalik sa karaang rota.

Kini atol sa rally sa mga miyembro sa Pinagkaisang Samahan ng mga Tsuper sa Operators Nationwide (Piston) atubangan sa Mandaue City Hall, alas 9:30 sa buntag, Lunes, Nobiyembre 23.

Nahinabi sa Superbalita Cebu si Ronilo Gahator, ang vice chairman sa Piston kinsa gikan nakighisgotanay ni Atty. John Eddu Ibañez, ang executive secretary ni Mandaue City Mayor Jonas Cortes.

Sa ilang hisgotanay, matod ni Gahator, nipadayag sila sa yangongo sa mga kaubang traysikol drayber kinsa naglisod sa ilang panginabuhian bisan paman nga nakabalik na sila og byahe.

Matod niya nga matag adlaw aduna nalang silay unom ka tuyok ug ilang makwarta P150 nalang, kung ikumpara sa una usa ka tuyok ra kini nila ilang kita karon.

Hinungdan nga nanawagan sila sa kagamhanan sa Mandaue nga pabalikon na sila sa ikaraang rota.

Sa managlahing interbyu, niingon si Ibañez nga bisan sa wala pa ang pandemya, gihimo na kini nga rota sa dakbayan tungod sa mando sa nasyonal nga kagamhanan nga wala nay traysikol nga muagi sa national highway.

Kaniadto, sagad sa rota sa mga traysikol sa dakbayan mosubay sa national roads. (KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph