KIDAPAWAN CITY -- Narekober sa mga sakop sa Joint Task Force Central (JTFC) ang tulo ka improvised explosive device (IED) o anti-personnel mine (APM) alas 2 sa hapon niadtong adlaw nga Lunes sa probinsya sa Cotabato.
Gibutyag ni 6th Infantry (Kampilan) Division Chief ug Joint Task Force Central Commander Major/General Juvymax Uy nga samtang nagpahigayon og security patrol ang puwersa sa 90th Infantry (Bigkis-Lahi) Battalion sa Philippine Army uban ang mga Cafgu sa Sitio Dasulong, Barangay Ginatilan, Pikit, North Cotabato, ilang nasiplatan ang tulo ka APM daplin sa kalsada.
Pipila ka gutlo lamang ang milabay, laing IED pa ang nakaplagan sa mga Cafgu Active Auxiliary walo ka metros ang gilay-on sa una nga bomba.
Grupo sa Bangsamoro Islamic Freedom Fighters ang gitudlo nga maoy suspek nga nagbutang sa bomba. (Edgar Fuerzas)