CATEEL, Davao Oriental -- Miubos sa kinse ang ihap sa kaso sa Covid-19 sa lungsod sa Cateel ning probinsya human namaayo sa sakit ang 55 anyos nga babaye nga sumala pa nagpositibo niadtong Nobyembre 14, 2020.
Sa opisyal Facebook page sa LGU-Cateel, gibutyag nga gideklarang naka-recover sa sakit ang pasyente human siya nag-negatibo sa repeat swab test.
Apan, luyo niini ang maong pasyente padayon gihapon sa iyang 14-day home quarantine alang sa hingpit nga kaayuhan.
Gibutyag nga sa kinse nga nagpabiling aktibo sa Covid-19, tulo kanila naka-admit sa mga referral hospital samtang ang laing dose, naka-admit sa Cateel Temporary Treatment and Monitoring Facility. (Dexter T. Visitacion)