SUPERBALITA DAVAO

Manaygon gidid-an

GIDILI una ang pagpanaygon karong tuiga alang sa Pasko subay sa pagpahibawo ni Davao City Mayor Sara Duterte-Carpio ilabi na nga naa pa kita sa pandemya.

"Dili nato i-allow ang caroling kay ang singing is one activity na worse pa sa talking kay malagpot ang laway," sulti ni Duterte-Carpio niadtong Lunes, Nobyembre 23 pinaagi sa 87.5 FM Davao City Disaster Radio.

Kini sab ang nag-unang hinungdan nganong mga simbahan gimandoan nga usa lang ka mang-aawit o kantor sa mga misa ug gidili sa katawhan nga mokanta tungod kay ang pagkanta posibleng mopalagpot og laway gikan sa usa ka tawo ngadto sa laing tawo, matud sa mayor.

Samtang si City Social Welfare and Development Office (CSWDO) head Marlissa Gallo nagsulti nga kanunay silang nagmonitor sa mga kalsada nga gipuy-an, lakip na mga makililimos.

Gidasig ni Gallo ang Dabawenyos nga di mohatag og limos ngadto kanila.

Kasamtangan, ang CSWDO nakig-koordinar na uban sa Public Safety and Security Command Center, Davao City Police Office, ug sa City Transport and Traffic Management System aron nga hugtan pa ang ilang operasyon, ilabi na ning panahon sa kapaskohan.

Giawhag ni Gallo ang Dabawenyos nga itaho ngadto sa CSWDO, pulis ug sa barangay ang presensiya sa mga manaygon sa ilang lugar.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph