Pagbanhig ni Atty. Wee kita sa CCTV

Wa pay matumbok ang kapulisan sa Dakbayan sa Sugbo nga responsable sa pagpusil-patay ni Atty. Joey Luis Wee niadtong Nobiyembre 23, 2020 sud sa building diin nahimutang ang iyang law firm.

Matod ni Police Colonel Josefino Ligan, hepe sa Cebu City Police Office, aduna na silay kopya sa video nga kuha sa CCTV camera apan naglisod sila sa pag-ila sa duha ka gunmen tungod kay naka-bonnet ug nagsul-ob sab og jacket. Gidudahan nga mga gun-for-hire kini.

Wa una gipakita ni Ligan ang CCTV footage kay gipaklaro pa nila kini aron matandi sa ubang kaso sa nahitabong patay sa Dakbayan sa Sugbo nga posibleng makahatag kanila og giya sa pag-ila sa mga mamumuno.

Tug-an sa opisyal nga nakita sa CCTV nga nagdagan paingon sa sulod sa building ang mga suspek dayon pusil sa abogado, giti-onan sab ang asawa sa abogado sa ikaduhang gunman ug daling misibat.

“Kursonada gyud kay misulod man sa opisina gisundan man gyud. Siguro ang ilang movement paspasanay maong nanagan ni para maka-extricate dayon kay kahibalo man sila nga daghan gyud kaayo tang checkpoints nga gipan butang sa kadalanan.

“So mao tong murag nataranta sila kay nagdali lang gyud to,” matod ni Police Colonel Ligan. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph