ANG Department of Health (DOH) nagkompirma nga niadtong Nobiyembre 21, 2020, walo ka persons deprived of liberty (PDL) sa Bureau of Jail Management and Penology (BJMP)-Davao City Jail-Male Dormitory ang nagpositibo sa coronavirus.
Ang usa ka PDL gidala sa Southern Philippines Medical Center (SPMC) niadtong November 15, kinsa namatay pag Nobiyembre 19.
Una pa kini nadala sa ospital, ang PDL nalahi na gikan sa general population.
Ang laing pito ka PDL nga nagpositibo maoy naglangkob sa 10 PDL nga mipailawom sa RT-PCT test (swab test) nga maoy usa sa ilang mga rekisitos sa pagbalhin kanila sa rehabilitation center.
Anaa sa 137 PDL ang naka-close contact sa mga positive cases nga dunay mild symptoms nga nagpositibo, diin anaa karon ubos sa quarantine ug constant monitoring.
Ang BJMP jail facility nakahimo dayon og decontamination procedure ug nagpatuman og jail lockdown. (SunStar Davao)