SUPERBALITA CEBU

Ciar: A White Night Party gidagsa sa mga celebrity

Super Ka!

Giselebrar sa Social Media Queen of the South ug Mrs. Universe East Pacific Asia 2021 Aida Patana ang iyang 47th birthday niadtong Nov. 14 pinasikad sa estriktong quarantine protocol (60 visitors ug 30 crew and staff) sud sa pribadong hacienda sa iyang mentor nga si French Consul Michel Lhuillier.

Gitawag og “A White Night Party,” ang daw paraisong ML garden private property (350 hectares) usa-usang gidagsa sa mga sikat sa showbiz sama sa celebrity actor Daniel Matsunaga ug 2020 Miss Universe Phils. Top 16 Lou Piczon.

Nitambong usab ang mga inilang personalidad sa pulitika sama nilang Mandaue City Vice Mayor Glen Bercede, Cebu City Councilors Niña Mabatid ug Dondon Hontiveros, ug Councilor Jun del Mar.

“Dako kaayo akong pasalamat sa tanang nisuporta nako labi na ni Senyorito Michel nga sama na sa matuod nakong amahan nga maoy nagtudlo gyud nako unsaon pagpadagan og negosyo for 12 years now,” matod ni Aida, kinsa nihimo usab og kasikas sa beauty pageant dihang nidaug siyang first runner-up sa Mrs. Philippines World 2019. Usa usab siya karon sa mga kandidata sa 2021 Mrs. Universe.

Si Michel Lhuillier mao ang nagpaluyo sa kinadak-ang safari sa Pilipinas nga ML Cebu Safari and Adventure Park ug sa No. 1 pawnshop nga ML Kuwarta Padala ug sa umaabot pa nga world class resort sa Sugbo nga ML Sogod Resort nga buksan sa dili madugay.

Si Aida o “Angging” sa iyang mga suod nga higala,” lumad nga taga-Ozamiz city nga nidayo sa Sugbo niadtong 1992 aron manimpad. Apan daw sa gitiawan sa kapalaran ang mga unang tuig niya sa dakbayan tungod sa mga kapakyasan. Nahimo siyang single mom sa iyang lima ka mga anak ug na-bankrupt pa ang ilang negosyong furniture.

Ang maong kasinatian maoy nagtudlo ni Angging sa mga pasikotsikot sa negosyo. Nakat-on siyang makisama ug makig-alayon sa mga nagkadaiyang sektor sa komunidad nga mao say iyang paagi sa pagpadagan sa iyang M. Talent Events and Promotions nga mag-siyam na katuig karong Marso 2021.

Ang mga higala ni Aida sa entertainment ang nag-usa sa ilang puwersa alang sa iyang birthday nga naglakip nilang Danny Booc (director), Carlo Abaquita (events stylist), Alberca Isidro (sounds and lights), Abigail Padilla (choreographer sa D’ Abyss Dance Company), ug Maria Elena G (designer sa iyang gown).

“My personal wish for my birthday is good health para sa akong pamilya. Ampo lang maayo atong lawas pirme labi na karong pandemic. Salamat Lord for giving me a wonderful birthday and for giving me the strength to keep going. Way kabutangan sa akong kalipay karong gabhiona.” (Mga litrato gikan ni Aida Patana)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!