DEAR Noy Kulas,
Ako diay si Romeo, 42 years old ug single father. Nakapaanak ko og us aka babaye dihang nag late 20s ko ug human siya manganak, gibilin niya ang bata diri nako. Nagdako ang akong anak diri nako ug sa akong parents nga maoy gaatiman niya daily kay nag work man ko.
Lagi kun okay naa na koy anak, ang mga babaye mosibog kon makahibawo sa akong pagkatawo bisan kadaghan na nako natilawan. Di kuno sila ganahan kay naa na koy anak. Until now, ulit nga tawo gihapon ko. Ang pait kay nag PM nako ang akong ex, iya kunong kuhaon ang among anak kay iyang dad-on sa US kay naminyo man siya og Kano.
Mahimo diay nga iyang kuhaon ang bata sa dakong ka sayon nga ako man ang nagpadako? Unsa may akong buhaton karon aron makapangandam ko? Daghang salamat.
ROMEO
Rom,
Dangop daan og abogado aron giyahan ka sa imong mga legal nga lakang kon tinud-on sa imong exa ang iyang plano nga kuhaon ang inyong anak. Sa balaud, ang bata nga 7 anyos paubos anha sa inahan gyud unta. Pero kaning imoha kay lapas na man sa mao nga edad, so, usually, ang bata maoy pahukmon, gawas sa pagtan-aw sa uban pang aspeto sa desisyon sa huwes unya.
Sa akong tan-aw, lisod makuha ang inyong anak tungod kay kon mo-decide ni, dako ang possibility nga magpabilin ni ninyo kay kamo ang iyang namat-an sa kahayag. Ikaduha, duna kay capability sa pagpadako kay di ka man kaha pabaya sa bata. Busa, ayaw kahadlok kaayo, but pangandam alang sa legal nga gubat.
NOY KULAS
rojval69@yahoo.com ug kulassuper@sunstar.com.ph