SUPERBALITA DAVAO

35 barangay iratsada'g swab test

SunStar file

GIBUTYAG ni Public Safety & Security Command Center (PSSCC) head Ret. Col. Angel Sumagaysay sa programang Pulso Por Punto sa dxGO Aksyon Radyo, Miyerkules sa gabii, nga ipahigayon ang "aggressive mass swab testing" sa mga residente sa 35 ka barangay sa Davao City nga dunay taas nga kontribusyon sa kaso sa Covid-19.

Ang 35 ka mga barangay mao ang Barangay Buhangin Poblacion, Barangay 19-B, Talomo Poblacion, Agdao, Bucana, Toril Poblacion, Matina Crossing, Ma-a, Matina Aplaya, Cabantian, Catalunan Grande, Sasa, Panacan, 21-C, Pampanga, Daliao, Calinan Poblacion, 5-A, Bago Aplaya, 27-C, Centro San Juan, Tugbok Poblacion, Leon Garcia Sr., 32-D, 9-A, Baliok, 20-B, Tibungco, Bunawan, Lizada, Tigatto, 28-C, 7-A, ug Indangan.

Sumala ni Sumagaysay nga mopahigayon og "aggressive" mass testing ang mga personahe sa Department of Health (DOH) Davao Region sa mga barangay nga nauna nang nabutyag sa lokal nga kagamhanan ning siyudad.

"Usa ka aggressive mass testing atong ipahigayon, ngadto sa 35 ka mga barangay nga dunay daghang kaso sa Covid-19," ingon ni Sumagaysay.

Gibutyag sab sa opisyal nga di angay mag-panic ang mga residente sa 35 ka mga barangay gumikan walay matigayon nga barangay lockdown.

"Walay barangay lockdown, kung naa man, purok lang or house lockdown," dugang ni Sumagaysay.

Sa Calinan District, hitsas na ang mga swab testing booth diin gihulat na lang ang mando sa LGU-Davao ngadto sa mga health personnels nga mohimo sa testing.

Una nang gikataho sa Davao City Health Office (CHO) nga mokabat sa 30,000 ka mga residente ang ipang-swab test nga libre.

Sa paggawas sa balita, pipila ka mga residente nahadlok sa ipahigayong swab testing kay alang nila lisud biyaan ang pamilya kung madala sila sa mga isolation facility, butang nga tanang pag-amping ug pag-igmat anaa karon sa mga residente niining 35 ka mga barangay.

Hinuon gihangyo sa opisyal ang publiko nga motuman gayod sa mga health protocols nga giimplementar sa awtoridad aron malayo sa virus.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph