SUPERBALITA CEBU

Nalzaro: Face-to-face classes ibalik?

Saksi

BISAN kon nagsugod na ang online, modular ug blended classes sa mga private ug public schools, aduna gihapoy mga sugyot nga ibalik ang face-to-face classes sa mga bata sa mga lugar nga way kaso sa Covid-19. Aw, kining maong mga lugar nga walay kaso sa Covid 19 toa sa bukid ug wala sa siyudad.

Bisan si Department of Education (DepEd) 7 Regional Director Salustiano Jimenez misugyot niini sa dihang miatubang siya sa Hunta Probensiyal niadtong miaging semana. Si Bokal Glenn Soco mipalabang og resolusyon kabahin niini ug gisuportahan sa iyang kaubanan. Daghan kunong mga bata nga naglisud sa modular learning kay “compressed” ang mga subject ug dili kaayo ma-explain sa mga maestro, dili sama sa face-to-face learning.

Pastilan no, ato mang isugal ang kinabuhi sa mga bata. Sa kanunay atong gibalik-balik pagpahinumdom sa tanan nga hangtod ning mga gutlua, ania pa ang Covid-19 sa atong palibot. Bisan kon aduna nay vaccine nga madiskobre batok niini, dili pa kini basta-basta mahanaw. Mao man gani nga nakahukom si Cebu City Mayor Edgardo Labella nga pahugtan og balik ang atong mga quarantine protocol kay morag miaksiyon na ang tanan og kompiyansa. Usa ka taphaw nga kompiyansa kay hangtod karon wala pa gyud kitay kasiguruan kon kanus-a ka simbako matakdan niini kay hangtod karon wala pay bakuna.

Mao nga ingon og sa kataw-anan paminawon ang sobrang ka agresibo sa nagtinguha nga mag-face to face classes na ang atong kabataan. Ato bang isugal sa taghap-taghap ang kinabuhi sa labing bililhong kinabuhi sa atong kabataan nga mao ang paglaum sa atong nasod? Aron lang kunohay masulbad ang giingon nga kalisdanan ug suliran sa kamingaw sa kabataan sa social inter-action?

Mas importante o bililhon ba kini kay sa ilang kinabuhi? Atong ipalugdang sa atong tagsa-tagsa ka kaisipan ang gisulti ni Presidente Duterte: “Ang kinabuhi nga mawala karon, mawala hangtod sa kahangturan ug ang edukasyun nga mahunong karon, mapadayon ra gihapon sa umaabot.” Ang labing mahinungdanon karong panahuna mao nga nagpabilin kitang buhi ug nagginhawa. You are six feet above the ground right now. That’s what matters most. (bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph