SUPERBALITA CEBU

Patay o buhi

Mga duwa karon

3:45 pm- Phoenix batok Talk N’ Text

6:30 pm- Ginebra batok Meralco

Patay o buhi ra maoy paingnan sa upat ka teams nga magtinagakay sa duha ka mga deciding Game 5 sa semi-finals series sa 2019-20 Philippine Basketball Association (PBA) Philippine Cup sugod karong hapon sa AUF Gym sa Angeles City, Pampanga.

Magkombati sa premirong duwa mao ang Talk N’ Text (TNT) Tropang Giga ug Phoenix Super LPG Fuel Masters samtang magsangka sa main game ang Brgy. Ginebra Gin Kings ug Meralco Bolts.

Sa Game 4 niadtong Miyerkules, Nobiyembre 25, 2020, ang Tropang Giga ug Gin Kings nakaipsot dala ang makutas nga kadaugan batok sa ilang tagsatagsa ka kontra aron pagpugos ning tinaktakay nga mga kombati.

Ang Tropang Giga ningbuntog sa Fuel Masters, 102-101, samtang gipanghubog sa Gin Kings ang Bolts, 83-80.

Si Bobby Ray Parks maoy labing kuyaw nga nakaduwa alang sa Tropang Giga sa Game 4 diin ngapakatap kini og 36 puntos apan ang labing dalaygon og gipakita mao ang beteranong si Jayson Castro, kinsa miamot og 21 puntos.

Sa tibuok komperensya, si Tropang Giga coach Bong Ravena wala kaayo mibabad ni Castro aron mapreserba ang enerhiya niini sa mahinungdanong mga sangka.

Tuod man, epektibo ang maong lakang ni Ravena ug nagbangis si Castro sa Game 4 taliwala sa iyang pangidaron.

Ang kamangtas nila ni Parks ug Castro sa opensa nakatapak sa grabeng ngil-ara nga duwa sa laing mga sinaligan sa Tropang Giga nga sila si Poy Erram ug Troy Rosario.

Si Erram igo lang nimugna og upat ka mga puntos samtang wala’y natampo si Rosario.

Ning sangkaa, gilauman nga manginit ra og balik ang duwa nila ni Erram ug Rosario.

“Naniniwala pa rin naman kami kay Poy, kay Troy. Alam namin lalabas din ‘yan, lalabas din laro nila,” matod ni Ravena nga napatik sa www.pba.ph.

“They have to be consistent, especially on defense.”

Sama sa naandan, ang Fuel Masters magsalig og maayo nila ni Matthew Wright, Calvin Abueva, Jason Perkins, Justin Chua ug RJ Jazul. (ESL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph