SUPERBALITA CEBU

Serna: Michelle Gumabao gadumot sa MUP?

Kyaw-Kyaw

Samtang karon nang Dominggo, Nobiyembre 29, ang Ms. Earth 2020 (isalida sa TV5, alas 10AM), ang giatangan nga Ms. Universe 2020 murag adto na tingali kini sa sunod tuig.

Di lang ko mohisgot kon may purohan bang molusot sa Ms. U ang atong manok nga si Rabiya Mateo. Di man ko maayo anang tagna-tagna gud.

* * *

Ni-guest baya diay si Rabiya ug ang tulo niya ka runners-up sa ASAP niadtong Dominggo. Wa gihapon si Michelle Gumabao, ang 2nd runner-up.

Iya na kahang gi-give up ang iyang pwesto? Abi ko ba’g tungod lang sa kakapoy ang hinungdan nga wa siya kaapil sa photo-op adtong human nagdaug ang bangga.

* * *

Sa pagtan-aw nako sa video sa mga Pinay sa nangaging Ms. U pageants, nahinumdom ko nga wa kaayo ko mosalig nga molugwa si Janine Togonon. Nidaog kini isip 1st runner-up sa 2012 ug nakaamgo ko sa sayop nga paghukom.

May mga komento nga mas angayan si Janine koronahan kay sa Ms. USA nga si Olivia Culpo tungod kay mas nindot ang tubag niini sa katapusang pangutana gawas nga kusog ang stage presence ni Janine.

* * *

Nakadayeg ko sa usa ka botika sa mga Chinese medicine nga aron di maghuot sa sulod ang mamamalit, wa ablihi ang metal nga sira.

Isulti lang ang order ug itunol ang bayad. Duna pa gyud kini morag sugbaanan nga di-electric ang hitsura diin ibutang sa pila ka segundos ang kwartang papel nga bayad una pa kini dad-on ngadto sa cashier.

Ambot kon duna bay ingon ini nga kahimanan ang ubang mga tindahan.

* * *

Nakatayming ko nga gi-replay ang konserto ni Anne Curtis nga Annekapal. Didto nakaingon ko nga gutsy gyud ning bayhana.

Nakadayeg ko sa pag-angkon nga di siya maayog tingog pero naningkamot kini paglingaw sa mga nanan-aw. Nakigduweto pa kini ni Martin Nievera ug may rap portion pa nga maayong pagka perform ni Anne.

Kanus-a kaha mobalik si Anne sa showbiz human kini nanganak didto sa Australia?

Di na gyud kini saputon sa presscon sama adtong gipangutana siya kon nganong wa pa silay anak sa iyang bana nga taud-taud na man silang gikasal.

* * *

Mga batan-ong artista ug mag-aawit sama ni Lyka Gairanod, Sam Cruz (anak ni Sunshine, Diego Gutierrez (anak ni Lotlot de Leon ug Ramon Christopher) ug duha pa (wa ko kaapas sa ilang ngalan) maoy murag pangkontra sa ASAP, sa Sunday Noontime Live sa TV5 nga daghang batan-ong maglilingaw.

Ang games sa All Out Sundays sa GMA7 kulbahinam ug makalingaw sab.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph