Mandaue fire sub-station sa Brgy. Subangdaku gibalik

FIRE TRUCK: Usa mga fire truck sa dakbayan sa Mandauye nga taas og ladder, gigamit sa pag-ayo sa antenna sa ibabaw sa Mandaue City Hall. / Mandaue PIO
FIRE TRUCK: Usa mga fire truck sa dakbayan sa Mandauye nga taas og ladder, gigamit sa pag-ayo sa antenna sa ibabaw sa Mandaue City Hall. / Mandaue PIO

Gi-activate na ang Subangdaku Fire Sub-Station nga nahiluna sa M. Logarta Ave, Barangay Subangdaku, Dakbayan sa Mandaue niadtong Miyerkules, Nobiyembre 25.

Gipasiugdahan ang maong kalihokan ni Mandaue City Mayor Jonas Cortes ug F/CINSP Bernard Batnag Jr., fire marshal sa Mandaue City Fire Station.

Si Atty. John Eddu Ibañez, executive secretary Cortes, niingon nga ang sub-station gitawag nga “Sierra base.”

Matod ni Ibañez, iduma ang maong substation sa responders nga gikan sa Mandaue City Fire Station (MCFS) ug Mandaue city Disaster Risk Reduction Office (DRRMO).

Gibutangan na og usa ka fire penetrator, usa ka fire truck gikan sa MCFS ug usa ka ambulansya.

Kung ugaling adunay mga sunog, baha, aksidente ug uban pa nga mahitabo sa Barangay Subangdaku, Tipolo, Barangay Banilad ug ang South Special Economic Administrative Zone, respondehan kini sa Sierra Base nga responders.

Matod ni Ibañez nga pinaagi sa pag-cluster ug pagbutang og mga sub-station mas paspas na ang response time sa mga responders ang mga insidente.

Gawas sa Subangdaku, aduna sab fire substation nga nahiluna sa Barangay Basak, Canduman ug Cubacub. (KFD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph