AGI og pagdayeg sa nabuhat sa Lapu-Lapu City Police Office (LCPO) sa ilang malampusong kampanya batok sa ilegal nga drugas sa miaging buwan, mihatag og commendation ug cash si Lapu-Lapu City Mayor Junard Chan niadtong Nobiyembre 24.
Nakakompiskar ang kapulisan og moabot sa 22.1 kilos sa shabu niadtong Oktubre 21 nga gibanababang mobalor og P150 milyones sa Brgy. Subabasbas.
Ang nakompiskar nga ilegal nga drugas maoy labing dako sa Rehiyon 7 karong tuiga.
Sila si LCPO Director Police Colonel Arnel Banzon ug PDEA Plans and Operations Chief Investigative Agent Thessa Alaño-Tiuzen ang nidawat sa pasidungog sa ilang hanay. (GCM)