SUPERBALITA DAVAO

6 pasidungog nakuha sa SunStar Davao

SunStar file

WA MAKAPAKGANG ang pandemya sa Covid-19 sa paghatud og dekalidad nga balita ug istorya sa Sunstar Davao nga nakahatag og impak ngadto sa komunidad, kon diin bag-ohay lang gihatagan og pag-ila sa Globe Media Excellence Awards (GMEA) 2020 niadtong Huwebes, Nobyembre 26, 2020.

Ang GMEA mao ang "award-giving body" nga tinuig nga mag-ila sa mga balita sa mantalaan, radyo, telebisyon ug, sa bag-ohay lang, sa social media, nga nagbilin og impak ngadto sa komunidad nga iyang gialagaran.

Nag-ila sab kini sa mga istorya nga nagdala og "light current issues" ug mga sitwasiyon nga giatubang sa komunidad.

Nipupo ang SunStar Davao og unom ka mga pasidungog, diin si Social Media Editor ug Strategist Ace June Rell Perez miangkon sa lima niini.

Kini mao ang Explanatory/Investigative Story of the Year for Digital alang sa iyang istorya nga "Infodemic amid pandemic"; Breaking News of the Year for Digital alang sa "Mati tourism reopens; health measures implemented"; Social Media Advocacy of the Year alang sa "A Convo series" uban ni graphic designer Reinhart Jerd Belviz; News Report of the Year for Print alang sa "The protocol heals or kills?"; ug Explanatory/Investigative Story or Documentary of the Year for Print alang sa "Teachers on the frontlines (duha ka bahin nga mga serye)."

Nanominar sab nga nag-inusara nga si SunStar Davao editor-in-chief Reuel John Lumawag isip Editor of the Year Award karong tuiga.

Uban pang nominasyon alang sa SunStar Davao naglakip sa duha ka hulagway ni photojournalist Christian Mark Lim nga mao ang "Pandemic busking" ug "Quiet Davao" alang sa Photo of the Year for Digital category; ang entry sab ni social media content provider Mark Perandos nga "How to spot fake news" isip maoy Social Media Advocacy of the Year; "No learner left behind" ni editor Jennie Arado ug "Prostitution amid Covid-19" ni reporter Ralph Lawrence Llemit alang sa News Report of the Year for Print. (Ralph G. Llemit)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph