Bahad ni Tyson mahitabo: Judah

Gipahimangnuan sa Zab Judah si Roy Jones Jr. nga magmatngon og maayo sa pagpakigbatok ni Mike Tyson ugma (RP time) sa usa ka exhibition bout sa Staples Center sa Los Angeles, USA.

Matod ni Judah, kinsa kanhi world champion ug suod nga higala ni Tyson, nga seryuso ang iyang higala sa bahad niini nga palukapahon si Jones Jr. bisan usa lang kini sa exhibition bout.

Si Judah maoy nagsilbeng trainer ni Tyson ning awaya.

“I just finished up a training camp with Mike Tyson,” asoy ni Judah sa boxingscene.com.

“I’m here to tell the world that Mike Tyson is coming into the ring Saturday night to put in a lot of pain. He’s not playing, this is not a game.”

Gipasabot ni Judah nga grabe ang pagpangandam ni Tyson alang ning awaya ug sa iyang tan-aw, nahibalik ang kanhi abilidad ni Tyson taliwala sa edad niini nga 54 anyos. / ESL