#IsportsKasaysayan: Caidic miposte og 5 ka rekord sa usa ka duwa

Niadtong Nobiyembre 21, 1991, niposte ang gitawag og “Triggerman” sa Philippine Basketball Association (PBA) og dili lang usa, kon dili lima ka mga rekord nga hangtod karon wala pa nabuak.

Nagduwa si Caidic ubos sa kampo sa Presto Tivoli niadtong higayuna diin ilang kontra mao ang San Miguel Beermen.

Ning kombatiha, nakamugna si Caidic og 79 puntos nga maoy labing dako nga nahimo sa usa ka lokal nga magduduwa.

Sa 1st quarter pa lang, nakamugna na si Caidic og 37 puntos nga maoy labing dako sa usa ka quarter.

Sa 1st half, niburot na sa 53 puntos ang nahimo ni Caidic nga maoy labing dako human sa halftime.

Miitsa siya sa three-point land sulod sa 27 ka mga higayon nga maoy labing daghan sa usa ka duwa.

Sa iyang pag-itsa sa three-point land, nakapasulod siya og 17 nga maoy labing daghan sab sa usa ka duwa.

Si Caidic, kinsa natawo niadtong Hunyo 15, 1963 sa Pasig City, gikuha nga 1st overall pick sa Great Taste Coffee Makers niadtong 1987. Napili siyang Rookie of the Year niadtong tuiga. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph