Sa edad nga 49, nahimong labing edaran nga world champion si American Bernard Hopkins dihang iyang gilupig si Beibut Shumenov sa Kazahkstan pinaagi sa unanimous decision aron usahon ang World Boxing Association (WBA) ug International Boxing Federation (IBF) light heavy titles niadtong Abril 19, 2014.
Duha ka judges ang ningpadaog ni Hopkins sa parehong 116-111 scorecards samtang ang usa ka judge nipadaog ni Shumenov.
Bisan maguwang siya og 19 ka mga tuig sa iyang kontra, tataw nga mas aktibo si Hopkins diin nakapasulod kini og 186 ka mga kumo kumpara sa 124 ni Shumnov.
Sa 11th round, gitumba ni Hopkins si Shumenov pinaagi sa iyang piktos nga tuo nga kumo.
Si Hopkins, 55, miretiro niadtong 2018 bawon ang 55-8-2, 32KOs nga rekord. /ESL