Daghang gianod sa kurakot nga sistema. Misubol ang mga lakang pagbungkag sa pipila ka ahensya o buhatan sa gobyerno apan morag nag-ilis og sinina nga mao lang gihapon ang gisul-oban.
Dihay balaudnon ni Surigao del Norte Rep. Robert Ace Barbers nga magpapas sa Bureau of Customs (BOC). Aaangat Tayo Rep. Neil Abayon nga magmugna og hugot nga palisiya maoy epiktibong solusyon sa kurapsyon. Kanhi BOC chief nga karon Muntinlupa Rep. Ruffy Biazon nga ang tanang transaksyon ipaagi sa computerization aron wala nay palusot apan gialkontra sa kurakot nga mga kawani.
Ipatangtang ni Pres. Rodrigo Duterte ang Road Board ug Sugar Regulatory Commission nga naulipon sa kurapsyon. Unod sa balaudnon ni Rep. Pantaleon Alvarez ang pag-abolis sa Road Board nga gitahasan pagkolekta sa Motor Vehicle Users Charge alang unta sa road maintenance, drainage, bridges, traffic lights, safety devices, air pollution control, solid waste management, facilities. Dihay anomaliya sa Road Board nga P90.7B sa 2002 ug P1.6B sa 2013.
Si Alvarez gusto sab nga bungkagon ang Commission on Human Rights (CHR) sa dili makiangayong batakang serbisyo. Ang CHR usa ka constitutional office nga naistablisar sa 1987 silbing independente sa mga sanga sa gobyerno pagbantay sa pangabuso, pagsusi sa sibil ug politikal nga sala, paglahutay sa checks and balance ug separation of powers. Dili hinoon makahimog aksyon sa mga kriminal kay iya na sa kapolisan ug korte ang maong tahas.
Lakang pag-abolis sa National Food Authority (NFA) Council gumikan sa pagkahubas sa bugas. Ang NFA nga kanhi RCA/NGA naporma sa PD 1770 sa 1981 gitumong nga paliton sa maarang-arang nga presyo sa kamerkadohan ug pagtabang panahon sa katalagman.
Si Sen. Tito Sotto gustong bungkagon ang Phil. Drug Enforcement Agency (PDEA) gumikan sa palusot hulipan sa Presidential Drug Enforcement Authority (PRDEA) nga usahon ang PDEA ug Dangerous Drugs Board (DDB) pag-implementar sa Comprehensive Dangerous Drugs Act (RA 9165). ACT-CIS Rep. Eric Yap nga tangtangan og pundo ang kurap nga ahensya.
Napikal ug nahugno si Duterte nga wala gyod masumpo ang kurapsyon.