SUPERBALITA CEBU

Nalzaro: Christmas sales i-monitor

NAKA-SHOPPING na ba mo alang sa Pasko? Ang uban siguro naka-shopping na samtang ang uban wala pa kay wala pa makadawat sa ilang mga bonus ug 13th month pay. Ang uban nawad-an og trabaho gumikan sa pagpanira sa ilang mga gitrabahuan. Daghan gyud tuod ang nawad-an og mga trabaho gumikan kay naapektuhan sa pandemya.

Gumikan kay nagsingabot na man ang Pasko, sigurong magpahigayon na usab og mga Christmas promo sales ang mga shopping mall aron magdani sa mga shoppers nga adto mag-shopping sa ilang malls. Tugutan ba kini sa mga awtoridad labi pa sa atong lokal nga Emergency Operations Center (EOC) ug sa Inter-agency Task Force for the Management of Emerging Infectious Diseases (IATF)?

Sigurado man gyud nga kining mga mall sales dugukan man sa mga shoppers kay motanyag man ang mga malls og barato nga presyo. Mosunod kaha ang mga mall management sa mga health protocol kon magpahigayon sila og mga promo sales? Wala man gani maka-control ang ubang mga supermarket ug grocery management sa ilang mga nagpunsisok nga mga customers. Ma-observe kaha ang social distancing? Gikinahanglan nga i-monitor gyud ni sila.

Lahi ang Pasko sa Pilipinas. Taas kaayo ang atong Pasko. Magsugod sa Ber months ug motapos ta sa Pebrero 2 atol sa Kandelarya. Ug ang nakahimong lahi ug labing nindot sa atong Pasko mao ang mga Christmas parties ug labaw na gyud ang Christmas shopping.

Di ta kapoyan nga magbalhin-balhin og tindahan sa pagpamalit ug di ta matagbaw kon dili mahurot ang atong bonus.

And the same cycle atong balikbalikon kada tuig. Apan subo nga dili siguro karong tuiga tungod sa Covid 19 pandemic. Kinahanglan tang maglikay sa tapok-tapok ning panahona.

Gikinahanglan nato ang kalig-on sa kabubut-on sa pagpugong ug pag-utong una sa atong nag-awas-awas nga kahinam kon buot kitang maka-abot pa sa sunod Pasko.

(bobbygnalzaro@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph