KINSA kahay mahubog o maputlan og signal human sa best of seven series 45th Philippine Cup finals sa PBA?
Ang Barangay Ginebra Kings ug TnT Tropang Giga maoy mag-abot sa finals sa PBA bubble human nila gipalagpot ang ilang tagsatagsa ka kontra.
Ang Ginebra naluwas sa three point shot ni Scottie Thompson, 83-80 atol sa game 5 batok Meralco Bolts didto sa Angeles City sa Pampanga.
“Tinira ko na lang dahil wala ng oras. Tinira ko na lang at si God na ang nag-shoot non,” padayag ni Thompson. “Very thankful kami nanalo. Talagang tough game. Lahat ng hard work namin mula sa offseason, sa quarantine break at hanggang sa bubble, nag-pay off.”
Ang score tabla sa 80 sa himatayong segundo apan napasulod ni Thompson ang iyang itsa ug sa return play, giitsa nalang sa Bolts gikan sa saylo sa halfcourt sanglit wala nay oras nga nahabilin.
Si Thompson nihipos og 20 puntos, 12 rebounds ug 7 assists samtang 22 puntos ang gipaarak ni Stanley Pringle.
Samtang nahutdan og LPG ang Phoenix atol sa game 5 batok sa TNT 81-91 para angkunon ang bakanteng lingkuranan sa finals sa Tropang Giga.
Si Calvin Abueva nihipos og 22 puntos ug 15 ka rebounds apan wala makakuha og igo nga suporta gikan sa laing mga starter ug bench player ang ‘the beast’ kinsa unang nakabintaha, 2-1 sa series apan nakabawi ang TNT. (PAC)