SUPERBALITA CEBU

Kimba Walker i-trade unta

Gika-report nga ibaylo si All Star point guard Kimba Walker ngadto sa top 5 rookie atol sa 2020 NBA draft.

Kini base sa napatik sa The Athletic ni Zach Harper nga maoy unang nakasagap sa maong kasayuran.

Base sa mga observer, dili na bag-o sa Boston Celtics ang pag-trade sa ilang mga sinaligan human nila gi-trade si Isiah Thomas ug Terry Rozier kinsa mga fan favorite sa niaging mga season.

Matod ni Harper, si Danny Ainge ang executive sa Celtics nga gustong ibaylo si Walker ngadto sa top rookie.

Gibutyag niya nga ang Chicago Bulls ug Cleveland Cavaliers kinsa maoy tag-iya sa 4th ug 5th pick sa draft maoy giduol sa Celtics para sa trade.

Apan wala sa duha ka team ang nisugot sa tanyag ni Ainge diin nakuha sa Bulls si Patrick Williams ug si Isaac Okoro sa Cavaliers.

Sa katapusan, ang Celtics nigamit sa ilang pick nga ilang nakuha gikan sa Chicago o Cleveland para sa trade package para sa New Orleana Pelicans guard nga si Jrue Holiday.

Si Chris Mannix Mannix sa Sports Illustrated nitaho nga nagtinguha ang New Orleans og top 10 pick sa niaging draft para trade package ni Holiday apan wa kini nahitabo.

Niadtong Nobyembre 17, ang Milwaukee Bucks niuyon sa kasabotan para ilang makuha si Holiday isip baylo ni Eric Bledsoe, George Hill ug tulo ka 1st round picks ug duha ka pick swap.

Bisan si Walker dagko og puntos, apan nakagusto sila sa depensa nga ikadalit ni Holiday kinsa partner unta ni Marcus Smart ug Jaylen Brown kinsa shooting guard ang sagad position. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph