BISAN pa sa Covid-19 pandemic ug limitado lang ang budget, nadayon gyud ang simple apan memorable nga kasaulogan sa adlaw nga natawhan ni Quisha Claire Cornejo.
Si Quisha nisaulog sa iyang 18th birthday niadtong Oktubre 25.
Ang salosalo nahitabo sa usa ka restaurant sa Barangay Bulacao, siyudad sa Sugbo. Limitado lang ang mga bisita tungod sa safety ug health protocol nga gimando sa gobiyerno sama sa pag-obserbar sa physical distancing.
“With the pandemic going on, I still wanted to give the best debut for my daughter. It was hard looking for a venue within the budget, but we managed it through,” matod ni Nilfy Cornejo, inahan ni Quisha.
“Bahalag 20 persons ra, nasigo ra man pud kay sa among family ra man, side ra sa akong mama and papa. Kami-kami ra pud ang nag-design sa venue,” asoy ni Quisha.
Mapasalamaton si Quisha sa mga tawo nga ni-sponsor alang sa iyang pre-debut photoshoot ug sa mga pagkaon.
“Happy kaayo ko and I felt the love of the people who celebrated with me and made my debut possible,” pahayag sa pagpasalamat ni Quisha. (SCG)