SUPERBALITA CEBU

Drivers, operators wa ganahi mamiyahe?

PUJ: Duna nay pipila ka mga PUJ nga nakabalik na pagbiyahe gikan sa Guadalupe ngadto sa merkado publiko sa Carbon ug vice versa. Apan hugot ang pagtuman sa social distancing kay katunga ra sa mga kapasidad ang pasakyon.Wa say makasakay kon way face mask ug face shield.Sa Dakbayan sa Mandaue, wa pay bisan usa nga milukat og team Team clearance aron mosalmot sa one-stop shop sugod sa Martes. (Alex Badayos)

WA PAY mga jeepney driver ug operator sa dakbayan sa Mandaue nga nikuha og Team clearance nga kinaunhan nga rekisito alang sa one-stop shop nga pagahimuon karong Disyembre 1 ngadto sa 4.

Matod ni Arnold Malig-on, operations head sa Traffic Enforcement Agency of Mandaue (Team) nga tulo ka adlaw na ang milabay nga sige sila og contact sa mga driver aron mokuha na sa Team clearance apan, bisan usa wa pay miadto sa ilang opisina.

Tungod kay wa pay mikuha og clearance, wa pa say bisan usa ka driver o operator ang gipaubos sa swab testing sa Emergency Operations Center.

Karong Disyembre 1 hangtod sa Disymbre 4, ipahigayon na ang one-stop shop diin tambungan sa mga kawani sa Land Transportation Franschising and Regulatory Board (LTFRB) ug Land Transportation Office (LTO).

Sa one-stop-shop sab makuha sa mga jeepney driver ug operator ang ilang special permit aron makabiyahe na silag balik.

Apan una sila makakuha sa ilang special permit, kinahanglan una sila makahatag sa ilang Team clerance ug ilang swab test result nga negatibo sila sa Covid-19.

NGANO KAHA?

Matod ni Malig-on nga sila nagtuo nga ang hinungdan nga wa pay nikuha og Team clearance tungod kay aduna pa silay pending nga penalty nga wa pa mabayri.

Apan, gikasabotan na sa miaging semana sa committee on transportation nga gipangulohan ni Konsehal Jimmy Lumapas nga mamahimo nang mabayran ang penalty pinaagi sa installment ug hatagan lang sila og provisional team clearance.

Ang clerance ma-expire human sa unom ka buwan. Aron ma-renew kini ngadto sa usa ka tuig, kinahanglan mabayran sa drayber iyang mga penalty sulod sa unom ka buwan.

Matod ni Malig-on nga aduna sab silay gi-contact nga mga jeepney drayber nga di na buot mobiyahe tungod kay alang nila aduna nay igo nga bus nga nibyahe.

Bisan paman, giawhag ni Malig-on ang tanang jeepney driver ug mga operator nga moadto na sa ilang opisina ug mukuha og clearance tungod kay libre lang kini ug aron sab nga makaapas pa sila sa pag-apply og special permit sunod semana.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph