SUPERBALITA CEBU

2 ka Misa de Gallo gisugyot

ARON mapatuman ang social distancing, dunay mga parokya sa Dakbayan sa Sugbo nga nisugyot nga kaduhaon ang mga Misa de Gallo.

Gipaabot nga magdasok ang mga tawo kay gusto ni Mayor Edgardo Labella nga sa mga misa, way himuon gawas sa simbahan.

Aron kini kalikayan, gisugyot nga kaduhaon ang mga misa, alas 4 ug alas 5:30 sa buntag, matod ni Fr. Japheth Geonzon, vice chairman sa sa Commission on Worship sa Archdiocese sa Sugbo.

“Naay suggestion pod to nga na-raise no, kay tungod na kon one hour, usa lang ka oras ang intended for the Misa de Gallo, there is a great possibility nga mo-gather ni siya og big crowds,” matod niya.

“So, there will be some parishes nga mag conduct og two Misa de Gallos. For example, 4 a.m. and 5:30 siguro sa buntag,” dugang niya.

GIHANGOP

Gikalipay usab sa Archdiocese ang pagtugot ni Cebu City Mayor Edgardo Labella sa pagpahigayon og Misa de Gallo sa mga simbahan nga anaa nahimutang sa Dakbayan.

Matod ni Geonzon, gipahinumduman ni Cebu Archbishop Jose Palma ang kaparian, niadtong Biyernes, Nobyembre 27, 2020, atol sa katapusang adlaw sa annual retreat sa Diocese, nga ipatuman ang mga health protocol sa Misa de Gallo subay sa pagtugot sa Inter-Agency Task Force for the Management of Emergging Infectious Diseases ug sa mga lokal nga kagamhanan.

Dugang ni Geonzon, nga matod sa Arsobispo, gitugot na usab sa Probinsya sa Sugbo ang pagselebrar og Misa de Gallo.

“But he reminds us to really observe the mandated health protocols like for example sa mga parishes, MGCQ (modified general community quarantine) 50 percent, ipa-observe g’yod na og klaro. Then katong mga excess na, bisan sa gawas, kinahanglan nga ma-observe gihapon nag physical distancing,” matod niya.

Si Labella, niadtong Biyernes, nagkanayon nga itugot na sa Syudad sa Sugbo ang Misa de Gallo apan sa mga Simbahan lamang kini ipahigayon.

Gihisgutan sa mayor nga adunay mga Misa de Gallo nga gipahigayon sa mga ubang open spaces sa pampublikong lugar sama sa Carbon Public Market.

Matod ni Geonzon nga wala kini problema sa Simbahan ug gani wa nila itugot ang misa sa mga kapilya.

Si Labella motuon pa unsaon pagtakdo ang mga schedule sa Misa de Gallo ug curfew sa siyudad gikan sa alas 11 sa gabii hangtod sa alas 5 sa buntag.

Matod sa mayor nga mao kini ang unang angay nga plantsahon. Gusto ang mayor nga magtagbo una sila si Cebu Archbiship Jose Palma aron maplantsa nila ang mga schedule sa mga parokya.

Subling gipahinumdoman sa mayor ang publiko sa kanunay nga pagsunod sa social distancing.

Si Talisay City Mayor Gerald Anthony “Samsam” Gullas usab sa iyang bahin, niingon nga nagplano pa siya nga makighinabi sa mga opisyal sa health, law enforcement, ug sa Simbahan usa siya mohatag sa iyang desisyon kon tugutan ang Misa de Gallo sa Talisay kon dili.

Ang IATF nihatag og katungod sa mga local government unit (LGU) sa paghukom kon itugot ba o di ang pagpahigayon sa Misa de Gallo sa matag lokalidad.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph