SUPERBALITA CEBU

Kobe Bryant sulod sa Hall-of-Fame sa Mayo 2021

Si anhing Kobe Bryant sa Los Angeles Lakers mao ang usa sa masulod sa Basketball Hall-of-Fame nga gikatada karong Mayo 13 ngadto 15 sa sunod tuig.

Gianunsiyo sa NBA ang bag-ong schedule sa Hall-of-Fame induction kagahapon. Gikatakda unta kini niadtong Agusto pana nasibog tungod sa hulga nga dala sa Covid-19 pandemiya.

Gikataho nga mahimong kauban ni Bryant sa Hall-of-Fame 2021 mao sila Kevin Garnett ug Tim Duncan. Si Bryant, Duncan ug Garnett midominar sa NBA sulod sa 20 ka tuig. Adunay combined 48 All-Star Game selection ang tulo ka NBA greats.

Lima ka kampiyonato ang gidaog ni Bryant alang sa Los Angeles Lakers sulod sa iyang 20 ka tuig nga karera sa NBA nga gisugdan isip 13th overall pick niadtong 1996 NBA Draft. Miretiro si Bryant sa tuig 2016.

Namatay si Bryant sa usa ka trahedya Enero niining tuiga sa usa ka helicopter crash. Kuyog ni Bryant ang iyang babaye nga anak nga si Gianna ug laing pito ka tao.

Si Duncan nahimong 5-time champion ubos sa San Antonio Spurs, samtang si Garnett nakabulsa og kampiyonato isip membro sa Boston Celtics niadtong 2008. b


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph