SUPERBALITA CEBU

Tyson kusgan gihapon

SA EDAD nga 54-anyos gipakita ni Mike Tyson nga aduna pay nahabilin nga kusog sa iyang delikado nga mga kumo sa ilang exhibition match sa 51-anyos nga Roy Jones Jr. niadtong Dominggo (PH Time) didto sa Staples Center sa Los Angeles, Estados Unidos.

Si Tyson nga mao ang gihadlokan nga heavyweight champion sa iyang panahon mipakita sa iyang kusog mga maoy mipasikat kaniya sa iyang mabulokon nga boxing career niadtong dekada 90.

Ang kanhi four-division world champion ug umaabot nga hall-of-famer nga si Jones wala pud nagpa-uwahi og mipakita kini og labok sulod sa walo ka round sa ilang exhibition match.

Ang matag around adunay dos minutos nga time.

Human sa binokbukay sa duha ka boxing greats, gidesisyonan sa World Boxing Council (WBC) judges ang exhibition nga usa ka tabla.

Si Tyson nagkanayon nga ang maong exhibition match kay labaw pa sa championship kay gihatagan man silag kahigayonan nga makatabang sa isig ka tao pinaagi sa kwarta nga gikita nila.

Ang porseyinto sa kita sa maong boxing bout maadto sa managlahing charity nga motabang sa mga galisod.

“We’re humanitarians now. We can do something good for the world. We’ve got to do this again,” batbat ni Tyson (50 wins, 44 KOs, 6 losses).

Si Tyson adunay monicker nga Iron Mike, Kid Dynamite ug The Baddest Man in the Planet tungod kini sa iyang walay pasaylo nga kumo nga makapatulog sa iyang kontra sa iyang panahon.

Mao kini ang iyang unang away ni Tyson sulod sa 15 ka tuig. Apan gipakita gyud sa boxing legend nga bisan paman sa mga tuig nga milabay, nagpabilin gihapong ga-aso ang iyang mga kumo.

Gipauwanan ni Tyson si Jones og body shot ug mga head punches.

“The body shots definitely took a toll,” matod sa kanhi four-division world champion Jones. “It’s something to take the punches that Mike throws. I’m cool with a draw. Maybe we can do it again.”

Si Jones (66 wins, 47 KOs, 9 losses) misulod sa ring na gamit ang gloves ug trunks nga adunay imprinta nga No. 24 ug 8 isip pahinugod ni anhing Kobe Bryant sa Los Angeles Lakers.

“I hit you with some good shots, and you took it,” matod ni Tyson. “I respect that.”

Sa co-main event, gipatulog ni YouTube star Jake Paul ang kanhi NBA player nga si Nate Robinson sa second round. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph