Usa ka music instructor napusasan human nakuhaan og binultong shabu ug pinaugang marijuana atol sa buy-bust operation niadtong Sabado, Nobiyembre 28, alas 9:30 sa gabii sa Barangay Magdugo, dakbayan sa Toledo, Cebu.
Ang nadakpan mao si Eleazar Beñega Potot III, 33, minyo, music instructor ug nagpuyo sa Brgy. Magdugo, dakbayan sa Toledo.
Gipusasan sab ang kakunsabo nga si Richard Tesaluna Nabaluna, 41, dunay kapuyo construction worker ug taga Brgy. Subayon, Toledo.
Nakuha ang pito ka gramos nga shabu nga mobalor sa P47,600, halin nga P670 sa pinaugang marijuana, P165 marijuana seeds ug .357 revolver. (GPL)