GISAULOG karon sa nasod. Nobiyembre 30, ang ika-157 nga adlawng natawhan ni Andres Bonifacio, usa sa mga nasudnong bayani sa Pilipinas.
Usa ka professor sa Philippine History nibalik-lantaw sa legasiya ni Bonifacio ug nagsugyot kon unsaon sa millenials ug generation z nga madasig sa pagpakigbisog niini alang sa kagawasan ug demokrasya sa nasod.
Si Fatima Villaruel, faculty member sa School of Arts and Sciences sa University of San Jose-Recoletos, nihulagway ni Bonifacio nga 'one of a kind' nga lider taliwala sa kakuwang sa pormal nga edukasyon.
Samtang, ang human rights lawyer nga si Democrito Barcenas niingon nga ang mga batan-on madasig sa pagpakigbisog ni Bonifacio sa iyang mga prinsipyo ug kawsa.
"Bonifacio did not live to see our victory against Spain.." matod ni Atty. Barcenas. (WBS)