NIADTO dayon si Calvin Abueva sa iyang kanhi kauban nga si Ronald Pascual human ma-eliminate ang Phoenix Super LPG Fuel Masters sa PBA Season 45 Philippine Cup.
Nagkuyog si Abueva ug Ian Sangalang sa Magnolia Hotshots Pambansang Manok aron bisitahon si Ronald Pascual. Ang tulo maoy nailhan nga “Pinatubo Trio” sa ilang collegiate career sa San Sebastian Stags sa NCAA.
Si Pascual naglisod karon tungod wala na siya makaduwa og nalulong kini sa sugal.
“Sinabi namin sa kanya na after namin sa bubble magkikita kami as a friend as a brother, para mabigyan namin siya ng advise kahit papaano,” matod ni Abueva sa report sa Spin.ph.
Gisaysay ni Abueva nga gusto pa ni Pascual nga makabalik sa PBA.
“Gustong-gusto na maglaro. Nakikita namin sa kanya na gusto niyang bumalik sa paglalaro,” matod ni Abueva.
Si Pascual mao nag No. 3 overall pick sa San Miguel niadtong 2014. Ang uwahing team mao ang Alaska Aces niadtong 2018 season. Dugang ni Abueva nga tungod duha na ka tuig wala makaduwa ang 6-foot-3 nga si Pascual wala na gyud kini sa kondisyon. (RSC)