NIPAKITA sa iyang kahanas sa chess ang Sugbuanong National Master (NM) nga si Merben Roque sa iyang paghari sa ika-walo nga edisyon sa Alex Chua Superblitz Online Tournament niadtong Dominggo, Nobiyembre 29 sa lichess.org.
Si Chua nikuha og 13.5 puntos aron lupigon ang pambato sa Albay nga si Michael Lopez Tala kinsa nikulit og 13.0 puntos.
Ang Grand Master (GM) nga si Joey Antonio nibulsa sa ikatulong pwesto pinaagi sa 12.5 puntos, samtang si Ted Ian Montoyo sa Bacolod City nikuha sa ikaupat nga luna nga adunay 11.5 puntos. Si Allan Pason sa Lapu-Lapu City nitapos sa ikalimang pwesto nga adunay 10.5 puntos.
Ang nikompleto sa Top 7 mao sila Sherwin Tiu sa Manila ug Bryle Arellano sa Lapu-Lapu City.
Ang maong torneyo gi-organisar sa Cebu Executives and Professionals Chess Association (Cepca) ug gipaluyohan nila US-based Cepcans Alex Chua sa Los Angeles, California ug Jojo Dondon sa Allen, Texas.
Sa special awards, ang midaog sa Cebu-based Top 3 mao sila Glicerio Pardillo Jr, NM Elwin Retanal ug Remegio Galenzoga, samtang sa Top 2 Cepcans A mao sila NM Rogelio Enriquez Jr. ug Rosendo Yamyamin.
Si Nic Cuizon ug Dr Leo Lofranco ang ni Top 2 sa Cepcans B ug si Sheila Khan Sepanton ang nahimong top female player. (RSC)