GISUGDAN ang Metropolitan Basketball Association (MBA) sa uwahing bahin sa dekada 90 diin ang mga teams nga nisalmot gadala sa ngalan sa usa ka dakbayan o probinsiya sa Pilipinas.
Gihangop kini sa mga katawhan tungod sa pagka-localized niini. Ang mga duwa gidala sa probinsiya pinaagi sa home-away format nga eskedyul.
Nagsugod ang MBA niadtong Marso 7, 1998 ug nasirado ang liga niadtong Hulyo 26, 2002.
Daghang players nga misikat tungod sa MBA usa na niini ang Sugbuanong si Dondon Hontiveros, John Ferriols, Reynel Hugnatan, Rommel Adducul, Alex Compton, Willie Miller, Rob Wainright ug uban pa.
Ang mga teams nga nakasalmot sa liga mao ang Batangas Blades, Laguna Lakers, Manila Metrostars, Nueva Ecija Patriots, Olongapo, Pangasinan, Pampanga Dragons, Pasig Blue Pirates ug San Juan Knights sa North Division.
Samtang sa South Division mao ang Cebu Gems, Negros Slashers, Davao Eagles, Cagayan de Oro Amigos, Socsargen Marlins, Iloilo Megavoltz ug Surigao Miners. (RSC)