Dear Noy Kulas,
Tagoa lang ko sa ngan nga Brodix. Minyo ko ug dunay mga anak. Ang akong asawa maoy nahabilin sa balay kay outside man ko sa Cebu nag work. Di pa kaayo ko dugay nabalik sa akong work kay naabtan ko og lockdown diha sa Cebu.
Sa akong pag-uli, naa lang ko nabantayan sa akong asawa kay lahi na siya sa una. Dunay time kaniadto siya ang mangbalit, pero sa akong pag-uli, di na siya pareho kaniadto unya kadaghanan balibad kay kapoy na kuno. Ako siya gi confront nganong nag password siya sa iyang phone, apan nasuko kay mao na kuno nay uso. Ako siyang gipangayoan sa password, but wa mohatag. Wa ko mamugos aron paglikay sa away.
Karon, ingon pa sa among mga anak, tagdugay mouli ug kon akong pangutan-on nako masuko kay sila kuno nag-overtime. Maora ko og nagduda. Kinsa may di magdida nga lahi na ang iyang lihok?Unsay imong huna-huna ug tan-aw nimo, Noy Kulas?
BRODIX
Brodix,
Lisod man kaayong magtagna-tagna ta kay duna may laing mga factor nga maka affect pud sa sexual desire sa mga babaye. Usa ana kanang mga problema nga wa niya isulti lang tingali. Lain pud kanang hormonal changes sa lawas ug uban pa. Hinuon, lahi na sab tong password, angay kang magduda tungod kay mahimo ra unta nga iya kang sutlihan.
Anyway, aron ka masakop niya, hilom og uli diri sa Cebu unya panid-I ang iyang mga lihok o routine aron imong matino kon tinuod ba ang mga hitabo nga naa sa imong huna-huna. Mas maayong ikaw ang makakita sa iyang mga lihok aron duna kay mabasehan sa imong desisyon puhon.
NOY KULAS
rojval69@yahoo.com ug kulassuper@sunstar.com.ph