SUPERBALITA CEBU

Aggressive community testing sa Davao sugod na

MOKABAT sa 10,000 ka mga indibiduwal sa rehiyon ang punting nga ma-swab test sa Department of Health (DOH) Davao Region, ubos sa aggressive community testing (ACT) nga gitakda nga sugdan Martes, Disyembre 1, 2020.

Ang ACT, sumala kang Health Undersecretary Dr. Abdullah Dumama Jr., mao ang rapid and intensive Covid-19 testing nga himuon sa mga lugar nga dunay taas nga mga kaso sa Covid-19 sa mubo lang nga panahon.

Dugang pa niya nga tumong sa ACT nga mabatokan gilayon ang pagkuyanap sa makapamatay nga kagaw.

Gitin-aw ni Dumama nga himuon kini nga dinungan sa nagkadaiyang mga lugar sa nasud.

Sa siyudad sa Davao, si ACT Focal Person Dr. Evelino Buenaventura sa Davao City Health Office nagsulti nga gitakda ang ACT matag lugar. Sugod Martes himuon ang ACT sa Shanghai Gym alang sa Talomo Central ug Toril A Health Center alang sa Toril A ug B.

Miyerkules Disyembre 2, ang testing himuon sa Central Park Gym alang sa Talomo; SIR Phase 2 Gym alang sa Talomo North; Bankerohan Gym alang sa District A.

Sa Disyembre 3, ang testing himuon sa Buhangin Proper Gym alang sa Buhangin; El Rio Phase 1 Gym alang sa District B; Mintal Gym alang sa Tugbok; ug Brgy. Ilang Gym alang sa Bunawan.

Gitin-aw ni Buenaventura nga ang testing sugdan sa mga personahe sa Rapid Action Team (RAT) o gidesignar nga barangay vehicle nga manghakot og giila nga close contact aron nga i-swab test. Sa swabbing area, palinyahon sila alang sa "assessment" kon diin pangutan-on sila og personal impormasyon ug ang ilang mga temperatura susihon. Human niini, i-swab test sila.

Samtang maghuwat sa resulta, ibalik sila sa ilang mga balay pinaagi sa RAT personnel o designated barangay vehicles ug ang istriktong home quarantine protocols i-obserba.

Sa pag-abot sa swab tests, tanan nga nagpositibo sundoon ug dad-on ngadto sa Temporary Treatment Facility (TTMF). Kadtong positibo apan asymptomatic ibutang sa pasilidad sulod sa 10 ka adlaw. Kon human ang 10 ka adlaw way makitang simtomas, undangon na ang ilang isolation ug wa nay swab test nga himuon. Ilhon na sab silang nakarekober na.

Mga positibo nga pasyente kinsa magpakita og "mild" nga mga simtomas, mopailawom sa isolation og di moubos sa 10 ka adlaw apil na ang tulo ka adlaw nga way makitang simtomas ug ikonsidera na nga "clinically recovered."

Mga nagpositibo nga pasyente nga dunay "moderate, severe, or critical" nga mga simtomas ipaubos sa isolation og 21 ka adlaw sa ospital hangtud nga ang tulo ka adlaw nga wa nay makita nga simtomas.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph