USA ka motorista nga wa mohunong sa checkpoint, gigukod sa awtoridad nga nagbantay sa Quarantine Control Post (QCP) sa Barangay Kinasang-an, dakbayan sa Sugbo, naaksidente sa South Road Propeties (SRP) niadtong Dominggo, Nobiyembre 29, sa tungang gabii.
Si Patrolman Eugene Hamo niila sa drayber sa motorsiklo nga si Kim Kenneth Tero, 25, taga Naalad sa Dakbayan sa Naga samtang ang kuyog niini mao si Deven Ragasa, 21, molouyo sa samang dapit.
Matod ni Hamo, unang gipahunong ang duha sa checkpoint sa Kinasang-an apan nisutoy hangtod na sa ikaduhang checkpoint sa Barangay Mambaling mao nga gigukod sa awtoridad.
Si Tero naapsan dihang nabangga kini sa center island sa SRP ug naangol human nangalagpot.
Ang kauban ni Tero nga si Ragasa anaa na karon sa Mambaling Police Station temporaryo nga gikustodiya. (BBT)