Radaza misaad mopadayon sa abokasiya alang sa mga bata

ISIP kabahin sa pagtapos sa National Children’s Month kagahapon, Nobiyembre 30, gipasalig ni Lapu-Lapu City Congresswoman Paz Radaza nga padayonon niya ang adbokasiya sa katungod sa mga bata.

Gani aduna nay daghang balaudnon nga nag-ung-ong karon sa Ubos-balay Balaoranan kalabot niini, sumala sa kongresista. Siya ang author ug co-author uban ang iyang kaubang magbabalaod.

Siya usab ang napiling vice chairman sa committee on welfare of children sa Kongreso agi ug pagsalig sa iyang katakos nga dunay dakong mabuhat sa mga bata.

Ang House Bill 0137 nga magsilot ug mas bug-at alang sa moabuso sa mga bata ug kababayen-an; House Bill 6139 nga mag establisar sa Parent-Teacher And Community Associations nga maoy motan-aw sa kaayohan sa mga bata; House Bill 7679 nga maoy magprotehir sa giabandonang mga bata lakip na ang pagsilot sa miabuso sa ilang katungod maoy pipila sa mga balaudnon nga napasar na sa kongreso ug pending sa Senado sa pagkakaron.

Samtang ang House Bill 7836 nga maghatag og mas lig-ong proteksyon sa mga bata batok sa pagpangabuso sama sa rape ug ubang sexual abuse ug exploitation; House Bill 6140 nga mag-establisar og igong pundo sa Philippine Children’s Medical Center For Visayas And Philippine Children’s Medical Center For Mindanao; House Bill 7632 nga mag-establisar ug Special Education (Sped). (GCM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph