SUPERBALITA CEBU

DepEd 7 mosusi sa pag-uniporme sa mga tinun-an

LAING imbestigasyon ipahigayon sa Department of Education (DepEd) 7 sa kalihukan sa Lungsod sa Madridejos sa Nobiyembre 27 human nasuta nga may mga tinun-an nga nisaksi sa mga pasundayag sa Suroy Suroy Sugbo.

Gibutyag kini ni DepEd 7 Regional Director Salustiano Jimenez sa mga tigbalita sa Nobiyembre 30.

Matod ni Jimenez nga subay sa nakita nilang mga hulagway, dayag ang mga bata nga nag-uniporme bisan kon way physical classes.

“We will investigate. Ang fact finding division sa Cebu Province. Naay mga ingon ana, we will check kay klaro nga nangadto didto ug unsay reason naa didto. Naay mga parents why also nga gi-allow man nga naa man tay IATF protocols tapos sa DOH we will also validate reports,” matod ni Jimenez.

Nipasabot si Madridejos Mayor Salvador Dela Fuente nga naandan na sa mga tinun-an ang pag sul-ob og uniporme matag duaw sa mga bisita ilabi na kon anaa si Gobernador Gwendolyn Garcia.

Apan giklaro ni Jimenez nga bisan kon gipaluagan na ang quarantine status sa Sugbo, wa pay tubag ang Inter-Agency Task Force (IATF) sa hangyo sa rehiyon alang sa planong face-to-face class.

“Dili siya pwede kanang mga uniform. Wa man gani ta mag klase. Ang ato nakita ana if ever there was that pagtapok sa mga bata, unya kanang walay pagtugot sa atoa sa DepEd, ato i-check ug i-evaluate kon dili ba na teachers ang nagsugo or parents nila. Atong tan-awon unsay mahimo nila,” matod ni Jimenez.

Gipahinumdoman ni Jimenez ang mga tunghaan nga mananghid kanila. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph