SUPERBALITA DAVAO

Barangay dunay dakong papel sa pagpatuman sa balaud batok Covid

MAGPADAYON ang pagpanakop sa mga tanod sa mga barangay sa mga indibiduwal nga di magsul-ob og face mask o kaha kadtong di mosul-ob niini og sakto pinaagi sa pag-isyu og mga citation tickets.

Giklaro ni Mayor Sara Duterte-Carpio atol sa paghinabi kaniya sa 87.5 FM Davao City Disaster Radio kagahapon, Martes, nga ang gahum sa pag-implementar sa ordinansa sa siyudad sa Davao nga magsilot ug magmulta sa mga tawong di magsul-ob, lakip na ang di magtarong og sul-ob sa face mask gihatag na ngadto sa mga barangay.

"Gibaba nato didto sa barangay ang pag-implement sa face mask ordinance," pagtin-aw sa mayor.

Samtang gihatag sab sa lokal nga panggamhanan ang dako nga porsiyon sa multa nga makolekta gikan sa mga malapason sa maong ordinansa direkta ngadto sa barangay.

Gitataw sab sa mayor nga diha mismo sa mga barangay ipatuman ang community services kung kini ang gipili sa mga nadakpan nga nagsupak sa maong ordinansa.

Ubos sa ordinansa, P500 ang multa alang sa unang kalapasan, P2,000 sa ikaduha, ug P5,000 o usa ka bulan nga pagkabilanggo o ang duha alang sa ikatulong kalapasan. (WGM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph