SUPERBALITA DAVAO

Amahan gitadtad sa anak

KIDAPAWAN CITY -- Mitugpa sa balay tambalanan ang usa ka opisyal sa barangay nga gitigbas sa iyang anak alas 6:45 sa gabii, Lunes, Nobyembre 30 sa probinsya sa Cotabato.

Giila ang biktima nga si Cecilio Campoid Cacheco, 54 anyos, minyo, barangay kagawad ug molupyo sa Barangay New Leon, Aleosan North Cotabato.

Ang suspek mao ang iyang anak nga si Charlie Cabinan Cacheco, 27 anyos ug ulitawo.

Sa taho gikan sa kapulisan sa Aleosan nga samtang nag-andam sa ilang panihapon ang biktima, kalit lang nahiabot ang iyang anak nga hubog ug diritso nga gitigbas ang amahan gamit ang mahait nga dala niini nga sundang.

Abtik sab nga nailog ang sundang sa suspek sa uban niyang igsoon.

Nahiabot dayon ang mga miyembro sa Barangay Peacekeeping Action Team ug gidakop ang suspek nga gitunol dayon sa kapulisan.

Gidala ang biktima sa Aleosan District Hospital diin anaa kini sa talandugong kahimtang nga naka-angkon og duha ka samad tinigbasan.

Personal nga away sa mag-amahan ang gilantaw nga motibo sa hitabo.

Sa kasamtangan ang suspek ang gibalhog sa custodial facility sa Aleosan Police ug gitakda nga pasakaan sa tukmang kaso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph