Dear Papa Joe,
Tawga lang ko og Playboy, 30 anyos, may kapuyo ug mga anak.
Ang akong problema kabahin sa akong pagka lalaki, di man ko gwapo pero dali ra kaayo ko makadani og chicks pero di ko halata nga chicks boy kay di man gyud pero mokaon lang ko og sukaran. Sama sa nahitabo namo sa manghod sa akong asawa nga may uyab na gud nga suod kaayo nako. Unya magsigi og duol nako, pasekreto. So nipasangil lang ko nga wa tuyoa nakahikap sa iyang dughan. Nitutuk ra man ni nako ug didto akong giwalis ang gisul-ob. Wa man mo react ug mao to nahitabo gyud ug nagsige pa gani hangtud karon.
Karon, abi nako kato ra, sos, ang iyang iyaan naa man sad diay tuyo ug nahitabo nasad. Mao ni akong problema kay guilty na man ko pero di gyud ko kalikay kon lawasnong kalipay nay hisgutan. Palihug tambagi ko.
PLAYBOY
Playboy,
Undangi na sa labing daling panahon or basin mao ra nay kapunduhan sa imong edad ug mabulyaso ka. Luoy imong mga anak.
Siguro wa gyud ka mahigugma sa imong kapuyo kay bisan respitar man lang, wa nimo buhata. Siguro palayo na lang ka diha. Basin mahurot na nimo mga babaye diha. Respitar lang sa ilang kahuyang kon makakita nimo.
PAPA JOE
(para sa inyong tampo ipadala lang sa papajoesuperb@gmail.com)