SUPERBALITA CEBU

Editoryal: Gilaktod nga hustisya?

Editorial Cartoon by Ariel Itumay

Makaalarma ang sunodunod nga patay sa mga personalidad sa komunidad pipila ka mga adlaw nga nakalabay. Walay anggulo sa gidiling drugas. Lahi ang motibo sa ilang pagpatay. Sama nga ang ilang problema nga gitapos sa duguong pamaagi. Nagpasabot kaha kini nga dunay pipila nga nawad-an og pagsalig sa hudikatura?

Ulahing biktma mao si Kinasang-an Barangay Councilor Ponciano Villamil, 63, sa dakbayan sa Sugbo nga gipusil-patay niadtong Nobiyembre 30, 2020. Usa ka enenyero si Villamil ug dunay negosyo nga contruction. Gikataho nga nag-inusara lang ang mamumuno sa konsehal.

Gabii sa Nobiyembre 28, Sabado, gibanhigan-patay ang usa ka 34-anyos nga negosyanteng babaye nga Grace Gabutan, molupyo sa Gabutan Compound sa Barangay Guadalupe, Siyudad sa Sugbo. Mopadulong na unta og garahe sa iyang sakyanan dihang girakrakan sa duha ka wala pa mailhing mamumuno nga nagmotorsiklo ug nagsul-ob og bonnet.

Hapon sa Nobiyembre, 23, gipusil-patay ang inilang abogado nga Joey Luis Wee, 51, minyo, sa pag-abot sa Alchi Building sa J. Panis St., Barangay Kasambagan, Dakbayan sa Sugbo diin nahimutang ang iyang law office. Duha usab ka armadong lalake nga nagmotorsiklo ang mamumuno.

Walay kaso sa drugas apan daghang gihuptan nga high profile nga kaso nga naglakip sa kontrobersiyal nga lampost post project sa pagpanindot sa kadalanan atol sa pagpahigayon sa Asean summit sa Dakbayan sa Sugbo. Siya maoy abogado sa mga kanhi opisyal sa Department Works and Highways 7.

Lisod makontrolar ang kalagot sa usa ka tawo nga naa sa iyang tumang kasuko. Seguradong dunay pagmahay sa kaulahian busa dili nato ibutang sa mga kamot ang hustisya. Pwede mahusay sa barangay level ug korte. Mas pabor ang personal nga magkasabot alang sa kalinaw.

Hinaut nga wala nay dugang hitabo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!