SUPERBALITA CEBU

Minors makasulod na sa malls

MENOR de edad gitugotan na nga makasud sa mall sa kondisyon nga kuyog sa ilang mga ginikanan.

Kini maoy gipahibawo ni Department of Interior and Local Government (DILG) Secretary Eduardo Año atol sa ilang sinemana nga tigum tali ni Presidente Rodrigo Duterte mahitungod sa coronavirus disease (Covid-19) situation.

Apan giklaro ni Año ang matag local government unit (LGU) nga ubos sa general community quarantine (GCQ) nga moumol og ordinansa nga nagsuporta sa maong lakang sa nasudnong kagamhanan.

“Para na rin po sa kapaskuhan ay doon po sa pinag-utos natin na puwede ng gradual expansion ng mga age group para makalabas ang mga minors po basta accompanied ng mga magulang ay papayagang makalabas at makapunta sa mall,” matod ni Año.

Samtang si Lapu-Lapu City Mayor Junard Chan sa iyang bahin nahinangop sa maong kalambuan.

“Dakong advantage ni siya on the part sa City especially we are into tourism industy.

Naa dire ang mga hotel and resort mo-check in sa hotel and resort kay it’s family man gyud ilabi na nga naay long weekend,” matod ni Chan.

Apan nabalaka ang Mandaue City nga mihatag og pagtugot ang DILG nga makasulod na ang mga bata sa mall.

Matod ni Atty. John Eddu Ibañez, executive secretary ni Mandaue City Mayor Jonas Cortes, nabalaka sila sa maong kalambuan ug karon nga wala pa silay gipagawas nga kamanduan kon mosanong sila o dili sa DILG.

Sigon niya nga nakabasa siya og artikulo bahin sa gihimong pagtuon sa Harvard-affiliated nga hospital ang Massachusetts General Hospital and Mass General Hospital for Children, nga ang mga bata potensyal nga “super spreader” o paspas mopakatap sa Covid-19.

Matod niya nga bisan tuod nga pagtuon pa kini apan mutuo siya nga adunay mga kamatuoran nga makita sa maong mga study.

Dugang niya nga makigtagbo pa gihapon sila sa lokal IATF ug sa Emergency Operations Center alang sa pakigsabot.

Sa sayo pa, ang Inter-Agency Task Force for the Management of Emerging Infectious Diseases (IATF) ang milugak sa ‘stay-at-home’ restrictions sa dihang gitugotan na ang nag-edad og 15 ngadto sa 65 anyos nga makagawas na sa ilang panimalay.

Sa miaging buwan ang IATF ang mitugot sab sa maong age bracket nga makasuroy sa mga tourist destinations.

Subli nga gipahinumduman ni Año ang publiko nga gidili ang pagpahigayon og Christmas parties, manaygon ug panagtapok may kalabutan sa kasaulogan sa Pasko ug Bag-ong Tuig. (SunStar Philippines, FVQ, KFD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!