SUPERBALITA DAVAO

Delos Reyes: Duterte-Duterte sa 2022 (Katapusang gula)

Yanong Pagsabot

TIWASON ta karon ang sumpay. Kon dili ituboy sa partido si President Digong, pwede pod gihapon siyang modagan isip Independente kay dili naman nato makita sa mga politiko ang loyalty sa ilang partido. Karon dinhi, ugma toa na sa pikas kampo.

Pagsulod sa tuig 2021, ato nang makita ang kasikas sa politika. Mga posters sa mga politiko atoa nang makita kay dili man na electioneering basta walay gisulat nga "vote" sumala sa Comelec.

Atong makita nga abiabihon ang katawhan sunod tuig aron ato silang hinumduman pag-abot sa 2022 elections. Posibleng daghan na ang manghatag og ayuda sa katawhan kon magpadayon pa ang krisis sa Covid-19.

Posible kaha ang pagdagan ni Digong isip Vice President ni Mayor Sara? Ang baraha ni Digong kon sa natad sa politika ang hisgutan ang lisud basahon matud sa kadaghanan! Lahi ang iyang istilo, mosulod ug mogawas.

Mahitabo pa kaha ang laing substitution pag-file sa certificate of candidacy sama sa iyang pagpapili pagka Presidente? Kon madayon ang Duterte-Duterte sa 2022, uyon ka ba niini?

Dunay panglantaw sa pipila nga miubos kuno ang pagsalig sa katawhan kang President Digong kay daw mitalaw sa iyang kampanya nga sumpuon ang kurapsyon sa buhatan sa gobyerno tungod sa iyang pagbalibad nga pa-imbistigahan ang kurapsyon sa mga proyekto sa mga Kongresista tungod wala kuno sa iyang jurisdiksyon nga utingkayon ang rekord sa mga congressmen.

Makaapekto ba kini ugaling mokandidato siya o sa mga politiko nga iyang ituboy sa tuig 2022?

Ang gahom nga gipakita ni Mayor Sara diin ubay-ubay ang kandidato sa Hugpong ng Pagbabago sa milabay nga eleksyon, magpabilin ba nga mohatud kaniya sa palasyo sa Malacan~ang?

Dili ikalimod nga taas ang popularity ni Mayor Sara sa tibook nasud ug ang pagtamud sa mga nagalingkod karon nga mga politiko sa LGU.

Si Mayor Sara ang ginatan-aw nga lig-on nga kandidato sa eleksyon sa 2022.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph