MOABOT sa 6,000 ka mga indibidwal, pamilya ug panimalay sa mga lugar sa lalawigan sa Sugbo ang kasamtangan nga gi-atiman sa nagkalain laing lokal nga kagamhanan.
Usa usab ka tawo ang namatay sa Dakbayan sa Danao human maanod sa baha.
Tungod sa nasinati nga pag bunok sa uwan sa Sugbo, upat ka mga lungsod ug usa ka syudad ang nakasinati og pag baha gumikan sa Low Pressure Area (LPA) sa nasud.
Apektado sa pag baha ang mga lungsod sa Asturias, Balamban, Compostela, Tuburan ug dakbayan sa Danao.
Subay sa taho gikan sa Cebu Provincial Disaster Risk Reduction and Management Office (PDRRMO) nakatala sa labing daghan nga naapektohan ang lungsod sa Tuburan. (ANV)