Si Allison Diehl sa Columbia maoy anaa sa ika-13 mga puwesto sa top 15 sexiest round girls sa Ultimate Fighting Championship (UFC), labing dako nga mixed martial arts (MMA) promotion sa kalibutan nga nagbasi sa Las Vegas, USA.
Nganong nahilakip siya ning maong listahan?
Numero unong rason mao ang iyang madanihong pahiyom nga giingong makalumay sa mga lalaki nga motan-aw kaniya. Ang iyang kaanyag daw makakuryente sa kaunoran sa mga lalaki.
Nadiskubrihan si Allison sa UFC dihang midaog siya sa UFC Hooters contest niadtong 2011, nga maoy nagsilbe niyang pultahan aron mahimong round girl sa UFC.
Inig paso niya sa octagon, kasagaran mataligam-an sa mga tumatan-aw kon unsa nga round hilabi na ang mga lalaki gumikan kay magtutok kini kaniya ug dili sa numero nga iyang bitbit.
Gihulagway si Allison sa kadaghana nga mestiryusong babaye. (ESL)