CHITO E. GERMINO
Paknaan, Mandaue City, Cebu
Sa tumoy sa usa ka bangaw
May bulawan nga mahagdaw.
Sa katapusan sa sugilanon
Wala nay asoy ikasugilon.
Apan ang gugma maoy bahandi
Nga sa kasingkasing nato giani.
Way katapusang kasaysayan kini
Kay si Bathala maoy nagmugna ini.
Sa tumoy sa usa ka sapa-sapa
Tubig mohubas di na kabaha.
Sa tumoy sa usa ka karsada
Wala nay kapadulngan pa.
Apan kon imo akong gimahal
Ug saaran mong ikaw akoa lang
Kalipay nako magkanunayon
Hangtod sa tumoy sa panahon.